Notes |
- #Générale#Chatelain de Waremme , Seigneur de Jeneffe, de Limont et de Jehay
Extrait de :« Le Miroir des Nobles de Hesbaye » de Jacques de Hemricourt
772. Ly ainsneis fut nomeis messires Libier, sires de Geneffe. Ihl tenoit bin à Geneffe IIIIc boniers de terre et estoit sires de Geneffe, de Lymon, de Gehaing, et castelains de Waremme, sains les atres hiretaiges qu'il tenoit. Ly secons fis do viez monssaingnor Breton fut nomeis messires Hombier de Lexhy. Ilh out grans hiretages à Lexhy et fut sires d'Awans. Ly tirs fis monssaingnor Breton fut nomeis messires Ystasses Frongnus de Vileir l'Evesque; ly quars, messires Fastreit Penilh; ly chinqueme, messires Bastin de Holgnoul; et ly siiesemme, messires Bretons ly jovenes, qui fut sires de Warous, et chis touz seulz detinve les armes et le cry de son peire. Ly devant nomeis messires Libiert, sires de Geneffe, encargat à porteir d'argent à on lywon de sable et criat Geneffe. Ilh prist la filhe monssaingnor Wilhelme le Ryche de Hamale et en out trois chevaliers à enfans et une filhe, mariée à Rozut. Ly trois fis furent nomeis messires Badewiens de Geneffe, messires Robier de Lymont et messires Ernut d'Orelhe, chevaliers.
|